ஊவா மாகாணத்தின் அபிவிருத்தி குறித்து கிழக்கு மாகாண ஆளுநர் செந்தில் தொண்டமான் மற்றும் ஊவா மாகாண ஆளுநர் முஸம்மில் இடையே சந்திப்பு இடம்பெற்றது.
ஊவா மாகாண ஆளுநர் செயலகத்தில் இடம்பெற்ற இச்சந்திப்பில் கிழக்கு மாகாணத்திற்கும் ஊவா மாகாணத்திற்கும் இடையில் சுற்றுலா, கைத்தொழில், கல்வி ஆகிய துறைகளில் இணைந்து அபிவிருத்திகளை முன்னெடுப்பது தொடர்பில் கவனம் செலுத்தப்பட்டுள்ளது.
கிழக்கு மற்றும் ஊவாவை அண்மித்த மாகாணங்களின் எல்லைப் பிரச்சனைகள் குறித்தும் பேசப்பட்டுள்ளது.
இணைந்து செயற்படுவதற்கான ஆரம்ப படியாக கிழக்கு மாகாணத்திற்கு விஜயம் செய்யுமாறு ஊவா மாகாண ஆளுனர் முஸம்மில், பிரதம செயலாளர் மற்றும் அமைச்சின் செயலாளர் ஆகியோருக்கு கிழக்கு மாகாண ஆளுநர் செந்தில் தொண்டமான் அழைப்பு விடுத்துள்ளார்.
